அம்மாடியோவ் விலை:

அரபு நாடுகள் என்றாலே நமக்கு ஞாபகம் வரும் விலங்கு ஒட்டகம். நம்ம ஊர்ல குதிரைப்பந்தயம் மாதிரி அங்க ஒட்டகப் பந்தயம் ரொம்பவே பேமஸ். அதனால், நம்ம ஊர் ஆடு, மாடு சந்தை போல அங்க ஒட்டகச் சந்தை ரொம்ப பிரசித்தி. இந்த ஒட்டகச் சந்தையில்தான் சமீபத்தில் ஒருவர் மூன்று ஒட்டகங்களை விலை கொடுத்து வாங்கியிருக்கிறார். என்னங்க... நீங்க பில்டப் பண்றதப் பார்த்தா... வேற எதுவோ சொல்லப்போறீங்கன்னு பார்த்தா... சப்புன்னு மேட்டரை முடிச்சுட்டீங்களேன்னுதானே சொல்றீங்க. இன்னும் நான் விஷயத்துக்கே வரலைங்க. மூணு ஒட்டகம் வாங்கியிருக்கார். ஆனா, அதன் விலை எவ்வளவு தெரியுமா... நம்ம ஊர் விலையில சொல்லணும்னா, 29 கோடியே 82 லட்சம் ரூபாய். அம்மாடியோவ்னு மூக்குல விரலை வைக்கிறீங்க தானே...! அரபு நாடுகள்ல ஒட்டகப் பந்தயம் எந்தளவிற்கு பிரசித்தமோ அந்தளவிற்கு, அங்கு விசேஷ நாட்களில் ஒட்டக விருந்தும் பேமஸ். பண்டிகை நாட்கள் என்று வந்துவிட்டால், யாருடைய ஒட்டக இறைச்சி நல்லாயிருக்குன்னு போட்டியே வச்சிடுவாங்களாம். அந்தளவிற்கு ஒட்டகங்கள் அங்கு ரெண்டு விஷயத்திற்கு பயன்படுது. ஆனா, ஒட்டகத்தை வாங்கின ஆசாமி, எதற்கு வாங்கினார்னுதான் புரியலை!